Sa eleksion la, le coeur batte pou soldats la lit militant!

Sa eleksion la, le coeur batte pou soldats la lit militant!

November 6, 2019 0 By WFTV
https://pagead2.googlesyndication.com/pagead/js/adsbygoogle.js (adsbygoogle = window.adsbygoogle || []).push({});

Demain jour de vote. Trois grand partis pe dispute ou votes. Ene cote ena MMM, ene parti ki pe alle toutsel.

De l’autre coter, nou ena deux l’alliances. Ene PTR-PMSD, lot la gouvernement sortant, MSM-ML.

La question ki mo ine poser ici c’est pourquoi nou ena ene democracie? Ki fer la democracie?

C’est cela l’enjeu principale dans sa elections la. La preservation de notre system democratique,

Ena boucoup dimoune lor Facebook, social platform preferer des Mauriciens, ki pe dire democracie pas important.

Zot pe dire ki system democracie ine pourris, ena tout politiciens ki pouris. System la pas bon, etc.

POUVOIR DU PEUPLE

Mais laisse moi dire li ici. Mo ine grandi dans ene system democratique. Oui, ena voleurs et tricheurs, mais nou ene pei cot nou capave zet ene gouvernement corrompu dans ene eleksion.

C’est sa le pouvoir du peuple. C’est pas le pouvoir au peuple, mais du peuple donc servi ou la croix avec intelligence.

Ou ti decide pou punir MMM pou so l’alliance avek le MMM. Personellement mo ti contre sa l’alliance la avek PTR. Mo ene supporter PTR depi mo ena 8 ans.

C’est en 1967 ki mo ti coumanse comprend la politique et l’enjeu des eleksions sa l’annee la.

Mo ti ecoute bolom Ramgoolam dans so meeting apres ki mo ban tonton ti amene moi cot meeting PMSD champs de mars.

Mo ti dire zot mo pas content ditout sa l’atmosphere ki ti ena aux Champs de Mars la. Mo ti demande zot amene moi le port, cot PTR ti pe faire so dernier meeting.

https://pagead2.googlesyndication.com/pagead/js/adsbygoogle.js (adsbygoogle = window.adsbygoogle || []).push({});

Ti ena ene la foule monstre, Mo premier temoignage la foule montre a Port Louis. 1967, mo lor zepaul mo ene mamou ki presque 7 pieds de hauteurs.

Dimoune ki conne li pou dire oui li bien haute et bien bati.

Mo rapele mo trouve bolom lor l’estrade. Li ti pe cozer, li ti pe expliquer ki veut dire la lutte pour nou l’independence.

So message ine rentre droite dans me le coeur.

LA REVANCHE TRAVAILLISTE?

Mais zordi mo capave dire li ki mo pas trouve PTR pe amene sa meme la lutte la. Li ine perdi so la route, so pensee et so role dans nou democracie.

Zordi, sa eleksions la pour PTR c’est ene eleksion revanche. C’est ene eleksion pour ziste retourne Navin Ramgoolam au pouvoir pour remplace ti Pravind Jugnauth.

PTR pena ene vraie plan pou tire Maurice depi sa trou ki piti fine met nou sous l’ordre papa.

Eski sa ki veut dire eleksion? Mo pas trouve ene raison pou redonne mo parti le pouvoir. Donne moi ene raison?

Pou gagne plis conze publique a sense religieuse? Pas faire boufon doh.

Pou compete avek MSM lor augmentation pension viellesse? Aret faner doh.

Sa pas le vrai Parti Travailliste. Le vrai Parti Travailliste ti pou fight pou defan constitution, ti pou ordonne ene recansement et ti pou ena ene plan pou l’avenir.

Mais laisse mo dire zot sa. Depi ki bolom Ramgoolam ine prend Gaetan Duval dans ene coalition en 1971, nou ine perdi nou chemin.

Nou ine abandonne la lutte des travailleurs, nou ine laisse tomber ban communauter ki ti supporte nou et nou ine cree ban monstres.

LE COEUR MMM

En 52 ans ki mo suive politique Moris, mo pas ine trouve mo le coeur batte aussi vite pou le MMM.

Ki fer? Mo pas ene militant coaltar. Mo pas Militant du MMM. En tant ki journalist travaillant pou ban magazine etranger, mo ti ene de plis grand adversaires de la politique MMM, ki mo ti pe dire a l’epoque ti ene politique plis communist.

Mais mo ti fair, equitable. Quand ti ena trahison 1983, mo ti donne le MMM ene support ki ti necessaire. Faire game. Labour ti faner encore alle mars avek MSM ki ti van lalit ene peuple entier! Innaceptable.

Mais avek letemps, MSM pe roule pei, mo bizin aide mo pei. Mo donne zot ene coup de main.

Mais mo pas converti moi en MSM, Alor arrive eleksion 1991, MMM marse are MSM. Mo donne zot ene coup de main. Zot gagner. Mo quitte BBC Radio mo quitte pei mo alle emigrer en Malaisie.

Mais la ban camarade. Mo pas trouve MSM-ML-Gannoo faire ene l’impacte. Zot ine fini gagne batter condirer.

La lutte entre PTR-PMSD et MMM. Mais mo croire MMM ine gagner. Li ine retourner depi so defaite massive de 2014. Mais PTR pas ine retrouve so vrai couleur malgre sa leson 2014 la. Triste!

Donc, si mo ti a Moris la, ki mo ti pou votez? Mo ti pou vote 3-0 piso MMM. Pena lot simen la.

Mo pas croire mo parti, le Parti Travailliste ki proche dans mo le ceour pou capave tire pei dans dife. Zot pas vraiment croire ki nou dans dife la. Zot croire zot leader dans dife bizin gagner pou tire li dans dife.

Mais eski zot pe pense le peuple? Mo diman ou, ou repone!

https://pagead2.googlesyndication.com/pagead/js/adsbygoogle.js (adsbygoogle = window.adsbygoogle || []).push({});